Dialogjet Artistike – Pianezza në kryqëzim të kulturave

Të premten, më 22 mars 2024, në Pianezza (TO) do të bëhet inaugurimi i ekspozitës së dy artistëve me famë ndërkombëtare, Guglielmo Meltzeid dhe Gjergj Kola. Ekspozita do të qëndrojë e hapur deri më 7 prill. Hyrja falas.

Pianezza (TO) – Të premten, më 22 mars 2024, në orën 18:00, do të zhvillohet në Galerinë e Artit Bashkëkohor të Pianezza-s (Villa Casalegno, Via al Borgo 2) inaugurimi i ekspozitës së dy artistëve me famë ndërkombëtare (Guglielmo Meltzeid dhe Gjergj Kola); Ekspozita do të jetë e hapur për publikun deri më 7 prill 2024.

Guglielmo Meltzeid është një piktor me famë ndërkombëtare, me banim në Pianezza dhe ka një histori të gjatë ekspozitash në të gjithë botën (Shtetet e Bashkuara, Rusi, Mbretëria e Bashkuar, Kina, Franca); ai ka realizuar gjithashtu vepra për  raste  të rëndësishme ndërkombëtare si Olimpiadat. Në vitin 1996, ai u emërua Ambasador Artistik i Portofinos dhe Santa Margherita Ligure në botë.

Gjergj Kola, piktor me famë ndërkombëtare dhe referent artistik i Shqipërisë në botë, ka lindur në Durrës. Ka ekspozuar në muzetë më të famshme të botës, nga Louvre i Parisit tekë Casa Batlló në Barcelonë. Prej vitesh është pronar i një atelieje në Limone sul Garda, qytet në të cilin ndihet vendas në të gjitha aspektet. Në Limone, në fakt, ka dhënë kontributin e tij artistik duke pikturuar mbi muret e ftohta të betonit të disa nënkalimeve anonime, skena nga jeta që me kalimin e kohës janë bërë një atraksion i vërtetë.

Në inaugurimin e ekspozitës, që do të mbahet më 22 mars në orën 18:00, do të jenë të pranishëm, përveç dy piktorëve, Ambasadori i Shqipërisë në Zvicër Mustafa Nano, Kryebashkiaku i Pianezza-s, Antonio Castello, Kryebashkiaku i Limone sul Garda, Antonio Martinelli, Këshilltari i Kulturës në Pianezza, Riccardo Gentile dhe Presidenti i Shoqatës Kulturore Vitaliano Brancati, ish-Konsull nderi i Shqipërisë, Giovanni Firera.

Hyrja në inaugurim dhe në ekspozitë është falas.

Faleminderit për përkthimin Sadina Rama

In lingua italiana 

Arte: A Pianezza i pittori Guglielmo Meltzeid e Gjergj Kola